വി.കെ.എന്‍ എന്ന് പുകള്‍പെറ്റ വടക്കേ കൂട്ടാലെ നാരായണന്‍കുട്ടി നായര്‍ എഴുതിയ നൂറ്റി എട്ടു പേജുകള്‍ നീളുന്ന ഒരു ചെറിയ നോവല്‍ ആണ് അധികാരം. സാമൂഹിക വ്യവസ്ഥിതികളോടുള്ള പരിഹാസം ആണീ കൃതി.
അധികാരം കയ്യാളുന്നവന്റെ ധാര്ഷ്ട്യത്തോടുള്ള പ്രതിഷേധം വളരെ കഠിനമായ ഭാഷയില്‍ വര്‍ണ്ണിച്ചിരിക്കുന്നു. കഠിനമായ എന്ന് പറയാനുള്ള കാരണം എന്നെ പോലുള്ള വളരെ സാധാരണക്കാരനായ വായനക്കാരന് മനസ്സിലാക്കാവുന്നതിലും അപ്പുറത്താണ് ഇതിലെ ഭാഷ.
ആയിരത്തി തൊള്ളായിരത്തി തൊണ്ണൂറ്റിഒന്നിലാണ് ഈ പുസ്തകം ആദ്യമായി ഇറങ്ങുന്നത്. ആ സമയത്ത് നിലനിന്നിരുന്ന രാഷ്ട്രീയ വ്യവസ്ഥിതികളേയും വ്യക്തികളെയും പരോക്ഷമായി ഇതില്‍ പ്രതിപാതിക്കുന്നുണ്ട്. അത് കൊണ്ട് തന്നെ ഈ വക സംഭവങ്ങളെ കുറിച്ച് വല്ല്യ അറിവില്ലാത്തതും ഈ പുസ്തകം ശരിയായി മനസ്സിലാക്കുന്നതില്‍ നിന്നും എന്നെ അകറ്റി എന്ന് വേണേല്‍ പറയാം.
Given a chance I won't dare to choose VKN anymore for the simple reason that I can't afford this level of complexity.
അടുത്ത കാലത്തൊന്നും ഒരു പുസ്തകം എന്നെ ഇത്രയും സ്വാധീനിചിട്ടുണ്ടാകില്ല. ബോംബയില്‍ വന്ന ശേഷം ഞാന്‍ അനുഭവിക്കുന്ന വിഷമങ്ങലുമായി സംവദിക്കാന്‍ ഈ പുസ്തകത്തിനു അത്രയേറെ കഴിഞ്ഞു എന്നുള്ളതാണ്‌ സത്യം.
ഈ ലോകത്തില്‍ ഞാനേറ്റവും സ്നേഹിയ്ക്കുകയും ബഹുമാനിയ്ക്കുകയും ചെയ്യുന്ന ഒരുവിഭാഗമാണ് അദ്ധ്യാപകര്‍. എന്റെ അമ്മ ഒരു അദ്ധ്യാപിക ആയതാകാം ഇതിനു കാരണം. ഏറ്റവും മഹത്തരമായ ജോലി ചെയ്യുന്നവര്‍..... അമ്മയെപ്പോലെ തന്നെ ഒരു എല്‍. പി. സ്കൂള്‍ ടീച്ചര്‍ അവുകയെന്നതായിരുന്നു എന്റെ ആഗ്രഹവും. ഈ വക കാരണങ്ങളാല്‍ തന്നെ ഈ പുസ്തകത്തിന്റെ പേര് എന്നെ ആകര്‍ഷിച്ചു.
ഞാനൊരു തരക്കേടില്ലാത്ത മോഹന്‍ലാല്‍ ഫാനാണ്. അതൊകൊണ്ട് തന്നെ മനോരമയിലും മാതൃഭുമിയിലും മറ്റും വരുന്ന മോഹന്‍ലാലിന്‍റെ കുറിപ്പുകള്‍ വായിക്കുക പതിവാക്കിയിരുന്നു. അതിനാല്‍ തന്നെ അവയുടെ ഒരു സമാഹാരം ഇറങ്ങിയപ്പോള്‍ വാങ്ങി വായിക്കണമെന്ന് ഉറപ്പിച്ചിരുന്നു. 75 പേജുകളിലായുള്ള അദ്ധേഹത്തിന്റെ ഓര്‍മ്മക്കുറിപ്പുകള്‍ ആണ് ഈ പുസ്തകത്തില്‍. മോഹന്‍ലാലിന്‍റെ തന്നെ ഭാഷയില്‍ പറഞ്ഞാല്‍, "ഇത് എന്റെ ആത്മകഥയോ പൂര്‍ണമായ ഓര്‍മക്കുറിപ്പുകളോ അല്ല. ഒന്നു തിരിഞ്ഞു നോക്കിയപ്പോള്‍ , മിന്നല്‍ വെട്ടത്തിലെന്ന പോലെ കണ്ട ചില ലോകങ്ങള്‍. "